Magna cum laude si Julia Kristiana David, ang unica hija ng award-winning journalist na si Kara David.
Natapos ni Julia ang kursong Bachelor of Science in Family Life and Child Development sa University of the Philippines (UP) Diliman.
Kabilang siya sa mga nagmartsa sa face-to-face graduation ceremony ng UP Diliman noong July 30, 2022.
Sa mismong araw ng graduation, ibinida ni Kara sa Instagram ang karangalang nakuha ng kanyang anak kalakip ang mga litrato na kuha during the ceremony.
Ayon sa mamamahayag, masaya na sila na makapagtapos lamang si Julia ng kolehiyo, ngunit hinigitan pa nito ang kanilang hiling dahil nakapagtapos siya nang may karangalan.
Caption ng I Witness reporter (published as is), "And she graduated magna cum laude! Wow! Masaya na kami na makapagtapos lamang, pero dagdag karangalan pa ito.
"Napakahusay mo talaga anak. So proud of you!"
Dagdag pa niya, "All your hardwork paid off."
Nauna nang ibinahagi ni Kara ang tagumpay ni Julia sa isa pang hiwalay na Instagram post noong July 26, 2022.
Dito ay sinariwa niya ang mga nagdaang taon bago tuluyang makapagtapos sa kolehiyo ang kanyang anak.
Bumuhos naman sa comments section ang pagbati ng mga netizens sa achievement ni Julia.
0 Mga Komento