Isang matandang lalaki ang nakapagpahanga at nakapagpabilip sa mga netizen dahil sa angking sipag at lakas nito sa kabila ng kanyang edad. Kinilala ang lolo na si Lolo Tony Villanueva na nagmula pa sa Leyte. 102-anyos na si Lolo ngunit malakas pa rin ang kanyang pangangatawan at nananatiling naghahanap-buhay pa rin.
Ayon kay Rhodz Jimenez Casio-Salili, hindi umano alintana ang pagod ni Lolo Tony kahit na mabigat ang kaniyang binubuhat na duyan dahil sa kagustuhang makabenta. Ibinahagi naman sa kanya ni Lolo Tony ang sikreto nito kung bakit malakas pa din siya sa edad na daang taong gulang at higit pa.
Hindi umano siya kumakain ng karne at betsin, puro lamang gulay at isda ang kaniyang kinakain. Ngunit sa kanyang edad ay hindi pa umano siya nakakakuha ng benepisyo galing sa pamahalaan.
Ang ‘centenarian’ o ang pagsapit ng ika-isang daang taong gulang ng sinumang Pilipino ay mabibigyan ng cash gift na nagkakahalagang P100,000.
May panawagan naman si Rhodz na sana ay mabigyan ito ng pansin upang maibigay kay Lolo Tony ang nararapat na benepisyo para sa kanya.
“Pasikatin natin itong si tatay Tony Villanueva from Leyte, 102 years old na po sya pero malakas pa at naghahanap buhay ng marangal, nilalako nya yung paninda nyang duyan sa buong Brgy.Rizal, kahit mabigat ang duyan hindi alintana ang pagod makabenta lang.
“Ang sikreto daw nya sa malakas na pangangatawan ay walang Betsin at Karne, Puro gulay at isda lang daw kinakain nya, paki Share na lang para may bumili ng Paninda nya at makarating sa Local government para matulungan at makuha ang benepisyo nya sa edad nya.”
0 Mga Komento