Marahil lahat tayo ay kilala ang nag-iisang Unkabogable Star na si Vice Ganda. Isa lang naman kasi siya sa mga pinakamatagumpay na aktor at komedyante sa mundo ng showbiz. Siya ay unang kinagiliwan at sumikat bilang isa sa mga host ng Kapamilya noontime show na It’s Showtime, kung saan ay kanyang ipinamalas ng husto ang husay niya sa pagpapatawa at pagbibigay ‘good vibes’ sa madling pipol. Kasunod na nga nito ay ang naging pagbibida na rin niya sa mga sarili niyang pelikula na talaga namang pumatok sa madla, kaya naman mas minahal at hinangaan pa siya ng marami.
Maliban pa sa pagiging isang host at pagkakaroon ng mga pelikula, ay nagkaroon din si Vice ng pagkakataon na magkaroon ng mga sold outs concerts, hindi lamang sa ating bansa kundi maging sa iba’t ibang panig din ng ng mundo. Isa na ring negosyante si Vice, sapagkat mayroon na din siyang sariling make up brand, ito nga ay ang Vice Cosmetics, na tinatangkilik din ng marami ngayon, lalo na ng mga kababaihan.
Hindi lamang kabibiliban si Vice sa lahat ng kanyang tagumpay sa buhay, dahil hahangaan din siya, sapagkat sa kabila ng lahat ng tagumpay niyang ito at sa dami ng mga biyayang kanyang natatanggap, ay hindi niya nakakalimutang ibahagi ito, hindi lamang sa kanyang pamilya, kundi maging sa kanyang kapwa at malalapit niyang mga kaibigan.
Matatandaan na binigyan ni Vice ng isang magara at napakagandang tahanan ang kanyang pamilya. Dagdag pa rito ay ang mga naging bakasyon niya sa iba’t ibang mga lugar at bansa, na isinasama din niya ang mga mahal niya sa buhay.
Samantala, nito lamang nakaraan ay isa namang malapit niyang kaibigan ang binigyang kasiyahan ni Vice, at ito nga ay sa pamamagitan ng pagbibigay niya ng regalo sa inaanak niya rito.
Kamakailan nga lamang ay naglabas ng pinakabago niyang vlog ang komedyanteng si Ethel Booba, kung saan ay makikitang ipinag-shopping ng kaibigan at kumare niyang si Vice Ganda ang kanyang anak na inaakanak nga nito. Ayon kay Ethel, ito ang unang pagkakataon na nakita at nakilala ni Vice ang inaanak nitong si Micahela, kaya naman talagang lumabas ang pagiging galante ni Vice.
0 Mga Komento