Tunay ngang lahat ng tao ay nabibigyan ng pagkakataon na baguhin ang kanyang sarili, ito ay sa kabila ng maraming pagkakamali na kanyang nagawa sa mga nakaraang taon ng kanyang buhay. Katulad na nga lamang nito ay aktor na si Baron Geisler na ngayon ay pinagsusumikapang mapabuti ang sarili at maging tuloy-tuloy ang pagbabago tungo sa ikakaayos ng kanyang buhay.
Batid naman ng publiko ang nakaraan ng aktor lalo na nga ang mga pagkakataon na siya ay nalugmok o yung mga panahon nga na siya ay nalulong sa droga, bisyo at alak, kung saan ito nga ang isa sa pinakamalaking hamon na kanyang hinarap sa buhay niya.
Dahil nga sa pagkawala sa landas ng aktor ay nagbago ang takbo ng kanyang noo’y masigla at positibong buhay, ngunit matapos naman ang ilang taon na pananatili niya sa loob ng rehabilitation at pagsailalim niya sa therapy ay muli namang nahanap ni Baron ang kanyang sarili at sa bawat araw nga ay patuloy siyang nagsusumikap na mas lalo pang mahanap at mapabuti ang kanyang sarili.
Taong 2019 ay nagbalik showbiz si Baron, kasabay nito ay nagdesisyon din siyang bumalik sa pag-aaral sa kolehiyo, dahil ayon sa kanya ng siya nga ay makalabas sa rehab ay isa sa ipinangako niya sa kanyang sarili ay ang magbabalik siya sa pag-aaral.
Samantala, sa kalagitnaan ng pagte-therapy ng aktor ay napalapit nga siya sa Panginoon, kaya naman ng makabalik siya sa pag-aaral, ay pinili niya ang kursong Theology sa All Nations College. At matapos nga ang ilang taon na pagpupursige ni Baron sa kanyang pag-aaral, nito lamang nakaraan ay buong pagmamalaki nga niyang ibinahagi sa kanyang Instagram account ang kanyang pagtatapos kung saan ay ipinakita niya ang ilang mga larawan niya na kuha sa naganap nilang graduation ceremony.
“My journey has reached its goal, and opened a way before me. Thank you Lord! [emoji]” saad ni Baron sa caption ng mga larawan na ibinahagi niya sa kanyang Instagram.Kitang-kita naman sa larawan ni Baron ang kanyang labis na kasiyahan sa tagumpay na ito na kanyang nakamit sa buhay. Bakas nga sa kanyang ngiti habang kumukuha ng kanyang diploma sa entablado kung gaano siya ka-proud para sa kanyang sarili, lalo na nga’t kung muli niyang aalalahin ang naging buhay niya noon ay tila imposible ang mga kaganapan na ganito.
Marami naman sa mga fans at kapwa celebrity ni Baron ang nagpaabot ng pagbati para sa aktor sa achievement nga na nakamit nito.“Congratulations Baron”, pagbati ng dating aktres na si Princess Punzalan.“Congrats Baron!!!”, saad naman ni Donalyn Bartolome. “Congratulations @baron.geisler”, komento naman ni Jennifer Lee.
0 Mga Komento