Inulan ng pambabatikos at pag kadismayado ang mga netizens sa tila ba kinopyang valedictory speech ng Magna Cum Laude graduate na si Jayvee Ayen ng Camarines Sur Polytechnic Colleges sa speech noon ng FEU Cum Laude graduate na si Mariyela Mari Hugo.
Kita sa video na may pagkakahawig ang nilalaman ng speech ni Ayen sa nag viral din noong speech ni Hugo.
Dinepensahan naman ito ng kampo ni Ayen na ipinaliwanag na nagkataon lamang na parehas sila ng gustong iparating ni Hugo at may mga parte lamang siya na kinuha mula sa orihinal na teksto nito.
"I mean not to plagiarize. Naka-relate lang [din] ako [nang] sobra nung mapanood ko 'yung video kaya may mga lines or thoughts ako na na-i-input na tumutugma [roon] sa Lang Video," pahayag ni Ayen sa The Spark Publication.
Humingi ng dispensa si Ayen kay Hugo at siya ay nagnanais na tignan ito ng mga tao sa maayos na paraan at unawain ang mensahe ng kaniyang speech.
Si Ayen ay nagtapos ng kursong Bachelor of Science in Entrepreneurship Batch 2022 habang si Hugo naman ay nagtapos ng Bachelor of Secondary Education Major in English noong 2019 sa magkaibang pamantasan.
0 Mga Komento